一路走来（生活 / 粤文） (第9/12页)

为「天字第一号fans」，我梗係即刻买一本翻屋企睇。后来知道小花有签名会，我即刻递纸请假去排队攞签名。场面好墟冚，大部份人係孭住书包嘅学生，似係一放学就赶过嚟。见到小花咁受欢迎，我戥佢好开心。

    「你使唔使咁感动呀？」阿敏笑我「发花癲」。

    「你唔明?喇！我同小花呢啲係『知音情』！」我扮嬲，乘机大大力打阿敏手臂一下。

    阿敏嘅笑容僵住，窒咗一秒先回復嬉皮笑脸个衰样：「我净係知道你做家务嘅时候好『滋阴』！」

    三个月之后，我个连载终于完结。情况同初头差唔多，负评佔绝大多数，不过我最在意嘅係有读者留言话「期待你嘅下一篇小说」！我开心到呢！即刻sendmessage畀小花，想多谢小花鼓励我，点知发现小花一早封锁咗我！

    咩事？

    我上讨论区睇下关于小花嘅st。好多网络作者话小花「好假」，係唔係都讚其他网络作者写嘅小说好好睇，扮係欣赏佢哋嘅作品，其实係为咗博对方欢心，为自己製造人气……睇咗唔係好多个st，我已经流晒眼泪鼻水——原来所有嘢都係假?！

    阿敏听到我索鼻，入房睇下咩事。佢望个mon几眼，直接熄咗我部电脑。

    我直觉认定阿敏一早知道：「你唔话我知？」

    「我认为係haters喺度搞事，无需要太在意。」阿敏翘起双手，半坐喺枱边。

    「你觉得……小花无……呃……我？」我冷静咗少少。

    「小花有呃你或者无呃你，对你影响好大咩？」唔知点解，阿敏突然语气唔多好，有啲??。「如果係咁，不如你问下自己，你係咪真係钟意